Translate site

Startsida Krokoms kommun

Nænnoestamme reaktah saemide

Duekie: Laake mij dejtie vïjhte nationelle onnelåhkoe almetji (saemieh, sveerjesåevmehkh, tornedaelehkh, rovmerh jïh judah) reaktide vihtiesti joe luhkie jaepieh dan åvtelen bööti, læjhkan idtji laakem buektehth tjïrrehtidh guktie ussjedamme. Njoktjen 2009 reerenasse orre politihkeles åssjelem propositjovnesne "Från erkännande till egenmakt" onnelåhkoe almetjidie evtiedi jïh dan åvteste laaken åssjelem gïehtjedamme.

Orre laake: Tsïengelen 1 biejjeste 2010 orre laakem nationelle onnelåhkoe almetjidie jïh onnelåhkoegïelide vihtiestamme. Dïhte laake tjïelkebe jïh stuerebe faamoem dejtie nationelle onnelåhkoe almetjidie vadta sijjen reaktide tsïhkestehtedh. Laake aaj tjïelkebe buerkeste tjïelti jïh åajvohki dïedti bïjre.

Ekonomije: Reerenasse onnelåhkoepolitihkem 70 miljovnh daaline lissehte mij dellie tjåenghkesne 80 miljovnh daalh sjædta. Beetnegh edtjieh onnelåhkoepolitihkem evtiedidh jïh dovne tjïeltide eevtjedh nasjonaleles onnelåhkoegïelide gorredidh.

Reeremetjïelte: Dah nationelle onnelåhkoe almetjh nænnobe reaktah reeremetjïeltesne utnieh. Dov lea reaktoe jïjtjedh gïelesne dovne njaalmeldh jïh tjaeleldh åajvohkigujmie govlehtidh. Dïhte orre laake sjïere maanide vaarjele jïh dannasinie Krokom tjïeltesne mij saemiengïelen reeremetjïelte dov lea eejhteginie reaktoe maanahoksem saemiengïelesne abpe jallh bielie tijjem åadtjodh.  

Reeremedajvi bæjngolen: Dïhte orre laake nationelle onnelåhkoe almetji bïjre abpe Sveerjesne nænnoes jïh gaajhkh dah vïjhte nationelle onnelåhkoe almetjh reaktah utnieh.

Bïevnesh: Tjïelten lea dïedte orre laaken bïjre bievnedidh jïh magkerh reaktah dov leah. Dah nationelle onnelåhkoe almetjh aaj edtjieh meatan byjrehks ektieraeriedåehkine årrodh, desnie maehtedh sijjen aamhtesi bïjre raeriestidh.

Översättning: Sig-Britt Persson
Uppdaterad 2012-03-09 av Ulla Eriksson

Kontakta oss
Har du tekniska frågor eller vill kommentera informationen på sidan så kan du kontakta webbredaktionen. Klicka här!

Följ Krokoms kommun på Facebook
Följ Krokoms kommun på Instagram
Följ Krokoms kommun på YouTube

KROKOMS KOMMUN Offerdalsvägen 8, 835 80 Krokom
Tel. 0640-161 00 vxl (mån-tor kl 08-17, fre kl 08-16)  |  Fax 0640-161 05 
Organisationsnummer: 212000-2478 | krokoms.kommun@krokom.se
VAT: SE212000247801

Cookies på krokom.se